प्रेस काउन्सिल नेपालको अध्यक्ष साथै कार्यवाहक अध्यक्ष नियुक्तिका विषयलाई लिएर नेपाल सरकारसहित प्रेस काउन्सिल नेपाललाई समेत विपक्षी बनाइ  सर्वोच्च अदालतमा दायर चारवटा विभिन्न रिट निवेदन खारेज गर्ने फैसला भएको छ ।

का.मु.प्रधानन्यायधीश हरिकृष्ण कार्की, न्यायाधीशहरू विश्वम्भरप्रसाद श्रेष्ठ, ईश्वरप्रसाद खतिवडा, आनन्दमोहन भट्टराई र अनिलकुमार सिन्हा रहेको संवैधानिक इजलासमा आज पेसी तोकी सुनुवाइ भइ रिट खारेजी हुने गरी फैसला भएको छ ।

काउन्सिलका अध्यक्षमा नियुक्त भवानीप्रसाद बराल, का।वा। अध्यक्षमा नियुक्त नबलकिशोर यादवका नियुक्ति सम्बन्धमा अधिवक्ता राम कपाली र बैकुण्ठप्रसाद भण्डारीलगायतले रिट निवेदन दायर गरेका थिए । उक्त नियुक्तिमा पदावधि सकिसकेकोले औचित्यहीन भइसकेका थिए ।

संवैधानिक इजलासमा सुनुवाइ भएको उक्त मुद्दाहरू काउन्सिलको तर्फबाट अधिवक्ताहरू अनन्तराज लुइँटेल, झबिन्द्र भुसाल र मानबहादुर लामिछानेले बहस गर्नुभएको थियो ।

३० कात्तिक २०७९, बुधवार १८:१३ बजे प्रकाशित