उपत्यकामा कोभिड–१९ सङ्क्रमणको दर बढिरहेको अवस्थामा प्रेस काउन्सिल नेपालले उजुरी बाहेकका अन्य सेवा प्रवाह स्थगित गरेको जनाएको छ ।

काउन्सिलले आज एक सूचना प्रकाशित गरी संक्रमणको जोखिम बढेसँगै कार्यालयका हलुका सवारी चालकसहित ४ जनामा कोरोना संक्रमण पोजेटिभ पुष्टि भएको जनाएको छ । केही कर्मचारीलाई रुघाखोकी तथा ज्वरो आउनेजस्ता कोरोना सङ्क्रमणको लक्षण देखिए सँगै प्रत्यक्ष सम्पर्कमा रहेकाको पिसिआर परीक्षण गराइएको जारी सूचनामा उल्लेख छ ।

दशैंको पूर्वसन्ध्यामा काउन्सिलबाटै कोभिड–१९ को संक्रमणले भयावह रूप लिन सक्ने अवस्थालाई मध्यनजर गरी परिस्थितिअनुसार सकुशल रहेका कर्मचारीले आ–आफ्नो घरबाट उजुरी र स्वअनुगमनसम्बन्धी कार्य गर्ने गरी मिति २०७७/७/३ गतेदेखि अर्को व्यवस्था नभएसम्मका लागि सम्पूर्ण सेवा स्थगित गरिएको उप–प्रशासकीय अधिकृत एवं सूचना अधिकारी रामशरण बोहराद्वारा जारी सूचनामा जनाइएको छ ।

२ कात्तिक २०७७, आइतवार २१:०५ बजे प्रकाशित