एनआईसी एशिया बैंक बचत निक्षेप बढाउन केन्द्रित भएको छ । बचतकर्तालाई अधिकतम ब्याजदर र सुविधा प्रदान गर्दै बैंकले आकर्षक बचत खाताहरु सञ्चालनमा ल्याएको छ । त्यसमध्येको एक हो तलब बचत खाता ।

बैंकले विभिन्न फाइदा र कर्मचारीको संख्याको आधारमा ३ प्रकारका त्यस्ता खाता सञ्चालनमा ल्याएका छन् । एनआईसी एशिया गुडविल एम्बेसडर, द प्राइड अफ एनआईसी एशिया र द पार्टनर अफ एनआईसी एशिया हुन् । जसमा ३ प्रकारको सर्वश्रेष्ठ बीमा फाइदाहरू, ३ प्रकारको सर्वश्रेष्ठ कर्जा सम्बन्धी फाइदाहरू र १८ प्रकारका अन्य अतुलनीय सर्वश्रेष्ठ फाइदाहरू रहेका छन् । यी प्रत्येक खातामा वार्षिक ८.०३ प्रतिशत ब्याजदर उपलब्ध गराउने बैंकले जनाएको छ ।

खाता खोल्न आवश्यक कर्मचारीको संख्या

बैंकले कम्पनीको कर्मचारी संख्याको आधारमा तबल बचत खाता ल्याएको छ । जस्तो कि, ५० भन्दा माथि कर्मचारी संख्या भएको कम्पनीले एनआईसी एशिया गुडविल एम्बेसडर खोल्न सक्नेछन् । त्यस्तै, ५ देखि ४९ जना कर्मचारी भएको व्यवसायी प्रतिष्ठानले द प्राइड अफ एनआईसी एशिया खाता खोल्न सक्छन् । बैंकले साना कम्पनीको लागि भनेर द पार्टनर अफ एनआईसी एशिया तलब बचत खाता उपलब्ध गराएको छ । ५ भन्दा कम कर्मचारी भएको संस्थाहरूले समेत यस्तो खाता खोल्न सक्नेछन् ।

८४ लाखसम्मको बीमा फाइदा

बैंकले यी तलब बचत खाता खोल्ने ग्राहकको लागि ८४ लाख रुपैयाँसम्मको बीमा फाइदा उपलब्ध गराएको छ । एनआईसी एशिया गुडविल एम्बेसडर तलब बचत खाता सबैभन्दा उत्कृष्ट खाता हो । जसमा ८४ लाख रुपैयाँसम्मको बीमा फाइदा उपलब्ध छ । गुडविल एम्बेसडर तलब खाता हुने कर्मचारीले आफु एवं आफुले सिफारिस गरेका ३ व्यक्ति गरी चार जना बराबरको ४० लाखको दुर्घटना बीमा, ४० लाखको घातक रोक बीमा र ४ लाखसम्मको औषधि उपचार बीमा पाउनेछन् । औषधि उपचार बीमामध्ये अस्पताल भर्ना हुने बिरामीले ३ लाख २० हजार रुपैयाँ र ओपीडी उपचारको लागि ८० हजार रुपैयाँसम्म पाउने छन् ।

यो बीमा फाइदा पाँच वर्षसम्म उपलब्ध हुनेछ । यसको अर्को अझ राम्रो पक्ष के हो भने यस खातावालाले तोकेको अन्य तीन जनाले पनि यो बीमा फाइदा पाउनेछन् । त्यस्तै, प्राइड तलब बचत खाता खोल्ने ग्राहकले ४२ लाख रुपैयाँको बीमा फाइदा प्राप्त गर्नेछन् । यसमा दुर्घटना बीमाको लागि २० लाख, घातक रोग बीमा २० लाख र औषधि उपचारको लागि २ लाख रुपैयाँ बीमा रकम उपलब्ध गराइएको छ । औषधोपचार बीमाको २ लाखमध्ये अस्पताल भर्ना भएको अवस्थामा १ लाख ६० हजार रुपैयाँ र ओपीडीको लागि ४० हजारर रुपैयाँ बीमावापत उपलब्ध गराइने छ । यस्तो फाइदा खातावालाले आफूले मात्र प्रयोग गर्ने छैन् । उसले तोकेको अर्को एकजनाले पनि यो बीमा पाउने छन् । यो खातावालाले पनि यस्तो बीमा फाइदा ५ वर्षको लागि उपलब्ध हुनेछ । त्यस्तै, पार्टनर तलब खाता खोल्ने ग्राहकले २१ लाख रुपैयाँ बराबरको बीमा फाइदा पाउने छन् । जसमा दुर्घटना बीमा १० लाख, घातक रोक बीमा १० लाख र औषधोपचार बीमा १ लाख रहेको छ । औषधोपचारको १ लाख बीमामध्ये ओपीडी उपचारको लागि २० हजार रुपैयाँ र अस्पताल भर्नाको लागि ८० हजार रुपैयाँ तोकिएको छ । पाँच वर्षसम्म उपलब्ध हुने यो बीमा फाइदा यस खाताको बीमा भने खातावालाले मात्र प्रयोग गर्न पाउनेछन् ।

१४ चैत २०७८, सोमवार ११:५६ बजे प्रकाशित